曼城賀“新”帥

    萬眾期待英超聯賽今晚正式開鑼，上季冠軍李斯特城拉開揭幕，早場作客升班馬侯城，雖然侯城重返英超，但千祈唔好當係紙“老虎”，主場相當兇猛，受讓半球，優先推介侯城畀大家。

    首日壓軸由曼城對新特蘭，曼城上季只能屈居第四，今季由冠軍級名帥哥迪奧拿領軍，第一場當然唔衰得，本身人腳經已強大，再加入洛尼圖、根度簡、史東斯及德國廿一歲以下國腳、被譽為天才超新星的辛尼，三線實力更加增強唔小。雖然曼城在季前熱身賽未贏過一場，但“哥帥”好明顯以試陣為主，基本上所有一、二線球員都有輪換上陣，勝負對“哥帥”嚟講根本唔重要，今戰才是“哥帥”正式“首秀”，更加係首度在主場球迷面前領軍，當然要以一場勝仗開騷，就算三日後要踢歐冠附加賽，“哥帥”依然必下捉“貓”令。

    上季僥倖逃出生天，“黑貓”新特蘭今季繼續在英超打拼，並且由莫耶斯接掌帥印，至於人腳變動方面都有唔小變化，但講到名氣與級數，當然不及豪門曼城。初盤曼城讓球半／兩球，捧曼城首戰贏波贏盤。

    推介：曼城3:1