槍手“浦”唔起

    英超今晚首輪重頭戲，由阿仙奴對利物浦。至目前為止，阿仙奴人腳冇太大變動，祇引入前中後的淺野拓磨、薩卡與賀丁，淺野拓磨仍在巴西踢緊奧運，所以今戰都會以舊班底出擊。

    季前熱身賽阿仙奴表現相當不俗，五戰取得四勝一和，且攻入十七球。不過，五場比賽皆並非以一線球員為主，甚至都係大部分副選，如艾禾比、阿克邦、薩卡及比拿連等年輕球員，今晚英超正式開鑼，在一眾主力回歸後，雲格未必會再起用一班新秀，問題係一班正選主力，山齊士、奧斯爾、基奧特及韋碧克等是否在最佳作戰狀態？此外，防線兩大守將，包列斯達與馬迪薩卡受到傷患影響，季初都要缺陣，哥斯尼又剛歸隊，後防可能成為最大隱憂。

    紅軍今季簽入多名新援，韋拿度姆、馬迪普、卡拉雲及卡里斯奥等主要球員，令球隊陣容更加完整。之前熱身賽，紅軍表現相當反覆，可以四球大勝巴塞羅那，又竟慘吞德甲中游班緬恩斯四蛋，但總括嚟講，古天奴、費明奴、亨達臣及米拿都發揮出極佳水準，今場初盤受讓平手 / 半球，紅軍值得一博。

    推介：和波 2:2