拜仁“大”蝦細

    一三年廣州恆大勇奪亞冠盃，成為首支中國球隊參戰世界冠軍球會盃，從而可與各洲冠軍級球隊較量，更難得係與當年歐洲霸主拜仁慕尼黑直接對話。當然，同世界頂級勁旅交手，恆大始終未夠班數，全場只得一次不中目標的射門，與拜仁廿七次攻門九中目標嘅紀錄，簡直係大人打細路。今晚兩隊在廣州天河體育場再度切磋，除非拜仁“畀面”東道主，以嬉戲性質而腳下留情，否則大比數交收在所難免。

    對住拜仁，恆大當然希望以最強人腳應戰，新加盟嘅巴西國腳羅賓奴有機會上演“處子秀”，至於艾傑臣與高拉特都有傷在身，未必可以上陣。此外，由於中超前列位置目前爭持相當激烈，恆大三日後要作客杭州綠城，必須稍作留力，相信今仗拼搏程度有限。

    拜仁在中國之旅首先大炒西甲勁旅華倫西亞，跟住再小勝國際米蘭，兩場波都表現出王者之風。陣中嘅湯馬士梅拿、利雲度斯基、泰亞高、葛斯及新加盟嘅哥斯達等盡顯球星風範，都發揮出極佳水準，即使“哥帥”用車輪戰上陣，預料仍可輕取恆大。

    推介：拜仁慕尼黑4:0