巴西“非”勝不可

    二○一六巴西奥運男足明晨率先開打，東道主巴西在分組賽首戰對南非，強勢出擊嘅“森巴兵團”爭勝決心無需多講，贏少一两球，相信入場睇波的巴西迷肯定唔收貨。

    南非人腳班底及實力去到邊？阿Ben確實未清楚，不過，之前的一場熱身賽，南非一比四大敗在日本腳下，戰鬥力應該屬有限公司。首仗就要對住主辨國兼雄心萬丈嘅巴西，南非實在凶多吉少。初盤巴西讓兩球，今次已經冇得再衰嘅巴西“非”捧不可。

    獲委以重任嘅尼馬今次一定“孭重飛”，表現好與壞成為關鍵。另外，巴塞隊友拉芬拿、巴黎聖日門後防主力馬昆奴斯、效力拉素的安達臣，及北京國安的奧古斯圖都係陣中主力，巴西要戰勝對手，一定要有足夠火力。除以上幾位核心外，值得留意係加比爾，呢位未足二十歲嘅攻擊手絕對係“森巴兵”明日之星，仲有維拉拿等，所以推介巴西今場大勝有足夠信心。

    “森巴兵團”之前與日本踢過一場熱身賽，結果兩球輕取對手，南非又曾經一比四輸畀日本。有數得計，南非今戰唯有全力防守，但求將失球數字減到最低。

    推介：巴西4:0