祖記熱刺博和

    今日繼續推介國際冠軍盃澳洲站賽事，上場被墨爾本勝利迫和嘅祖雲達斯轉戰英超勁旅熱刺。由於大部分主力缺陣，包括一眾意大利國腳仍未歸隊，祖記今場的一線球員中，只有上季首席射手戴巴拉、佩雷拉、靴蘭尼斯及新加盟嘅比真歷與賓拿迪亞，實力明顯削弱唔少，加上開操後第一場熱身賽，整體狀態不足，球員默契亦受到影響，被對手迫和亦無話可說；相信經過首場正式比賽後，今戰在各方面應有改善，問題係防線上幾乎只能用副選上陣，對住攻擊力比墨爾本勝利更銳利嘅熱刺，祖記必須加強防守。

    熱刺為應付新一季歐冠盃，除原班人腳外，加入三名極具份量的球員，從修咸頓買入雲耶馬及西維爾嘅法斯奥兩名守將，前鋒線引入上季荷甲金靴奬得主贊臣，火力同樣得到提升。

    至於今次遠征，剛踢完歐國盃的球員未能隨隊外，基本人腳都較為完整；不過，今場同樣係熱刺第一場熱身賽，球隊仍未在作戰狀態，新舊球員間亦需要磨合，雙方目前都有不足之處，預料今戰難以分出勝負。初盤平手，博和。

    推介：和波1:1