曼市雙雄京城會

    英超曼市兩大豪門今晚相遇在北京鳥巢，進行另一場國際冠軍盃比賽。

    摩連奴與哥迪奧拿又再正面交鋒成為焦點，贏輸事小，面子事大，雙方定必全力爭勝，給對手先來一個下馬威。曼聯上仗血濺上海灘，一比四大敗於多蒙特腳下，一向以踢防守見稱嘅摩連奴今次真係老“摩”燒鬚，士可殺不可辱。今場更對住同城死敵兼冤家聚頭，曼聯更加唔輸得。

    對多蒙特一戰，曼聯明顯輸在狀態，球員場上發揮比較慢熱，控球能力亦較差，老摩唯有賴人腳不整。冇辦法，限米煮限飯，當練波，睇多名副選球員能力有幾多。不過，兩名新援拜利與米希達恩表現不俗，新一季應該有作為，紅魔鬼目前確欠缺比賽狀態。

    哥帥帶領曼城亦出師不利，一球不敵舊主拜仁；不過，哥帥應滿意球隊表現，始終有多名主力缺陣。今場雖有阿古路、大衛施華及史特寧等歸隊，但球隊從歐洲遠征到中國，時差仲要適應，休息時間亦比對手少，且始終都係熱身性質，今戰交手都係以和為貴。初盤平手屬於正路盤，不妨敲波膽一比一或二比二。

    推介：和波2:2