葡軍“法”網難逃

    今屆歐國盃王者之戰明晨開火，主辦國法國決戰葡萄牙。

    “高盧雄雞”在四強殺退世界盃冠軍德國，今仗令球迷寄予厚望，誓要在自己地頭及鄉親父老面前高舉冠軍奬盃。葡萄牙亂戰之中殺到入四強，直至擊敗威爾斯才具説服力，如今戰仍未能踢出超水準表現，對住淘汰賽三戰三勝，勢如破竹嘅法國，葡萄牙實在難以爆出。初盤法國讓半球／一球，捧“高盧雄雞”九十分鐘内解決葡軍。

    法德大戰中，法國雖然形勢處於下風，但直接埋門攻勢根本並不輸蝕，中目標射門比德國還多出一次。狀態“弗”到冇朋友嘅基斯文，六戰攻入六球，基本上已穩奪金靴獎，絕對係對手最危險人物。基奥特與皮耶特亦不可不防，葡萄牙防線將會受到極大考驗。

    葡萄牙方面，相信會沿用上場對威爾斯踢法，先集中於中後場防守，實行以守代攻，再由核心C朗與蘭尼策動反擊。守得穩當然好，但對葡萄牙防線始終信心不足，萬一失手，葡萄牙就要改變進攻策略，非要反客為主不可。到時防線隨時又變為對匈牙利一戰一樣，被對手一攻就入。

    推介：法國2:1