美國牙買加繼續下盤

美洲金盃賽休戰兩天後，明早重燃戰火，八強第一戰由美國對古巴。美國在分組賽兩勝一和，三場波發揮都在水準之下，尤其球隊進攻力，三場比賽攻門次數其實都係少於對手，只係贏在埋門一腳夠把握力，進攻模式似乎未夠滲透力，殺傷力不足。

不過，今場對手只係攻不銳守不穩嘅古巴，整體戰力明顯低於美國，美國戰隊今場應可順利過關。初盤美軍要硬讓三球，古巴今仗預咗輸多贏少，實行死守戰術，擺出大“巴”陣，輸足三場盤嘅美國好大機會又係贏波輸盤格。

第二場牙買加對海地，從兩隊在分組賽表現，其實踢法上都相當實際，牙買加由參戰美洲金盃賽至今，的確鍛煉出唔少默契及組織性，球員間配合就係球隊爭勝本錢。海地方面，球員平均質素唔算突出，但戰鬥意識相當強，睇過分組賽對美國一戰，海地踢法進取，確實令美國處於下風，贏勢輸波無話可說，但頑強鬥心足以向牙買加挑戰。初盤牙買加讓平手／半球，唔通驚你有“牙”，一於捧受讓嘅海地。

推介：美國2:0古巴 

 牙買加1:1海地