意軍“德”心應手

    一二年歐國盃決賽，西班牙四球横掃意大利奪冠，四年後的今屆在十六強再度仇人見面，結果意大利將悲憤化為力量，將西班牙打道回府。明晨八強將遇另一超強勁敵德國，意軍勝在士氣高昂，一於遇神殺神，誓要過關斬將。

    德國在上屆四強止步，就係被意大利淘汰出局。雖然今年三月德國曾經四比一重創意軍叫做復仇成功，亦係歷史中第八次戰勝藍軍，不過八次都只係友賽性質，德國在正式大賽對住意大利，係有輸冇贏，可謂遇上剋星。當然，往績只係陳年舊事，臨場對戰要睇雙方發揮及戰術策略。干地被譽為戰術大師，路維亦深謀遠慮，兩雄相遇肯定鬥得難分難解，勝負難料。初盤德國要讓平手／半球，未踢先收半個盤嘅意大利值得考慮。

    意大利擊敗西班牙確實贏得清脆俐落，從防守轉攻，藍軍表現得相當流暢。從另一角度分析，意大利根本未驚過具控球能力、甚至係技術型球隊，反而遇上踢法快速兼埋身緊迫的對手，更易手足無措。德國與西班牙踢法大致相同，意大利好可能再次令德國俯首稱臣。

    推介：和波1:1