葡萄牙難讓“波”

    歐國盃明晨展開八強戰，波蘭對葡萄牙先打頭陣。兩隊在十六強都要踢埋加時才能淘汰對手晉級，且過程都有一個共同點，就係形勢上不及對手，能夠過關認真驚濤駭浪。

    波蘭對瑞士戰況比較接近，至少在進攻層次上直接得多，埋門威脅較為銳利，實際上與瑞士展開對攻戰。相信今場對住葡萄牙一樣照去馬。

    相反，葡萄牙對克羅地亞處於被動，無論射門次數抑或控球比率都處於下風，踢到加時尾段憑C朗一次反擊，造就基利斯馬絕殺，就係唯一一次中目標射門。連埋分組賽四場波，葡萄牙攻守表現依然未達令人滿意的效果，講發揮，波蘭明顯穩定兼實際得多。初盤葡萄牙讓平手／半球，葡兵根本讓唔起，捧硬波蘭食“葡萄”。

    波蘭雖然要射埋十二碼才能氣走瑞士，但正選陣容中，有八個球員都在三十歲以下處當打時期，體能上比葡萄牙着數。葡萄牙多名核心主力都已過三十歲，特別仍依賴接近卅二歲嘅C朗，經已踢足三百九十分鐘。既然兩隊實力相當接近，今場勝負好大可能取決於體能上的分野。

    推介：波蘭1:0