法國讓多亂“尼”

    歐洲國家盃決賽周明晨正式開鑼，東道主法國率先亮相迎戰東歐球隊羅馬尼亞，在數以萬計法“粉”面前，誓必先響頭炮。不過，大敵當前，羅馬尼亞必會嚴陣以待，但求首戰力保不失，預料羅馬尼亞會採取密集防守，加強中後場攔截力，博得一分得一分。初盤法國硬讓球半，捧羅馬尼亞輸波贏盤。

    法國近兩場熱身賽雖取得連勝且攻入五球，前線火力確令人滿意，不過對喀麥隆一戰連失兩球，反映防線仍有唔少漏洞。始終艾華、沙格拿及哥斯尼已屬元老級，三個加埋成百歲，只靠經驗未必係好事，對住突擊速度較快或體力型球隊，法國後防將有一定危機。此外，球隊目前中場組織能力有限，保羅普巴係必然核心，至於皮耶特與卡比耶屬於時價波，時好時壞，確要睇臨場表現，欠缺列比利與賓森馬，法國前鋒線實際上並非想像中強橫。

    羅馬尼亞陣中的球員雖名不經傳，但平均質素及個人技術絕對不能低估，整體踢法亦有細膩一面，且行軍相當具效率。講合作性，法國未必好得過羅馬尼亞，今場勝負估計一球上落。

    推介：法國1:0