俄羅斯博和“格”

    歐國盃分組賽今日安排三戰，明晨壓軸由英格蘭對俄羅斯，兩隊都係B組出線大熱，邊隊能夠全取三分應該可以穩奪出線權。

    由於英格蘭在外圍賽及熱身賽戰績彪炳，球員狀態又在火熱中，大致上都被“大圍”睇好。不過，打到入決賽周，除非對手實力相差太遠，否則每一場都係激戰。俄羅斯屬於一支實而不華的球隊，踢法機動兼注重整體，球員個人技術亦具一定質素，英格蘭今戰未必能輕易戰勝對手。初盤英格蘭讓半球，俄羅斯值得一博。

    英軍近年人才輩出，特別是攻擊線，華迪、卡尼及拉舒福特，都在各自球隊彈起，加埋隊長朗尼，“三獅”前線火力十足，但講到中後場，陣中仍欠缺一名核心，且防線仍有一定隱憂，史摩寧、卡希爾及史東斯穩定程度不足，兩閘攻守又有限，極可能係英軍致命傷。

    決賽周前，俄羅斯受傷兵影響，至少有三名主力退隊，包括謝利舒夫與古斯文兩名重心。不過，球隊始終着重團隊踢法，加上第一場就係硬仗，必會穩扎穩打，英軍要旗開得勝唔係咁易。

    推介：和波1:1