葡萄牙破“冰”唔難

    歐國盃決賽周分組賽最後兩支球隊今晚壓軸亮相，本澳眾多“粉絲”嘅葡萄牙火併冰島，話晒小弟仲揸住個葡國護照，又打過“西洋鬼”工，當然要捧返“阿咪古”。

    講笑啫，阿Ben只睇雙方實力分析，葡萄牙明顯在對手冰島之上，過往兩次對賽，葡軍都以兩球擊敗冰島，今次初盤開出葡萄牙讓半球／一球，捧硬葡萄牙至少可收半個盤，葡萄牙要旗開得勝，葡文講“能花士貓”。

    一講葡萄牙就必定提C朗，但今屆陣容中，更值得留意係多名年輕球員，包括辛捷士、馬里奥、W卡華奴及高美斯等都係葡萄牙新力量，在C朗、基利斯馬、摩天奴及柏比帶領下，葡萄牙今屆能有一定作為。

    至於最後一場熱身賽以七球大勝愛沙尼亞，對手無疑的確係弱到不得了，但無論能否收到練兵效果，但最緊要球隊能夠強勢出征，增強士氣，首戰對住實力一般嘅冰島，葡萄牙可“冰”封三球。冰島在外圍賽力壓土耳其與荷蘭，以次名殺入決賽周，都算令球迷驚喜，但只靠史雲斯中場施古臣及卅八歲“老鋒”古莊臣支撐大局，恐怕在決賽周再難以突圍。

    推介：葡萄牙3:0