法國炒大“巴”

    東道主法國在首戰旗開得勝，二比一擊敗同組實力較強嘅羅馬尼亞，殺入十六強跨進一大步，明晨第二場對住被喻為最弱嘅阿爾巴尼亞，等於大佬打細佬，法國再攞三分應該輕而易舉。

    首次參加歐國盃決賽周，新丁阿爾巴尼亞第一場只係○比一不敵瑞士，都算對球迷有交代。不過，今場對住更強嘅法國，阿爾巴尼亞恐怕難逃大劫。初盤法國讓球半／兩球，“高盧雄雞”料會大開殺戒。

    法國對羅馬尼亞實際上唔算話踢得太好，中場組織未夠銳利，創造能力不足，始終保羅普巴、馬杜迪及基斯文等都並非策劃者。唯一係皮耶特較為搶眼，一傳一射係贏波最大功臣，後防兩老艾華與沙格拿穩健程度明顯逐漸減弱，但總算驚險過到第一關。今仗對住阿爾巴尼亞，相信迪甘斯會稍為作出輪換，整體實力依然高對手一班。

    阿爾巴尼亞陣中的大部分球員都係出外搵食，但只在於二、三線球會，效力意甲拿坡里嘅希沙積算係最有名氣，可見戰力實在有限。今場更有後防重心簡拿停賽，要抵擋法國狂轟猛炸，阿爾巴尼亞又何來頂得住。

    推介：法國4:0