葡萄牙“利”字當頭

    由C朗領軍嘅葡萄牙在分組賽首戰未能展開破“冰”之旅，全場力壓冰島，惜最終只能取得一分。為確保殺入十六強，明晨對住奧地利，葡萄牙非要謀“利”不可。

    奧地利在對匈牙利大戰前，被外界一致睇好可以PK對手，臨場仲要讓到對手半球／一球。點知原來係鱷魚頭老襯底，根本踢唔出在外圍賽嘅氣勢，最後被匈牙利技術性擊倒，今場對住同組最強嘅葡萄牙肯定更加難打，奧地利要出線確係前路茫茫。初盤葡萄牙讓半球。一球，“阿咪古”今仗應該冇甩拖。

    葡萄牙雖然贏唔到冰島，但表現確有強隊風範，全場廿五次攻門十中目標，攻勢下下到肉，比以往單靠C朗所謂一人球隊嘅踢法經已大有改善，球隊變得更為整體性。最重要係全隊爭勝鬥心頑強，幾名年輕球員亦發揮出極佳水準，相信再磨合多一兩場，葡萄牙今屆歐國盃有機會發圍。

    奧地利在外圍賽的確係威係勢，但嚟到決賽周只係虛張聲勢。對匈牙利實際踢得唔差，不過有幾多料全部見晒底，踢法單調，攻守太過公式化，又何來埋“牙”之力。

    推介：葡萄牙3比0