羅馬尼亞必搏

    歐國盃分組賽進入最後階段，明晨同時進行兩場A組賽事。

    東道主法國兩戰兩勝已穩奪十六強資格，今戰只要賽和就可以頭名出線。今場對住瑞士，相信主帥迪甘斯會輪換球員上陣，確保主力平平安安打淘汰賽，拼搏程度有限。瑞士要保住次名出線，最緊要不敗，和局對雙方都有利，預料兩隊和氣收場。初盤法國讓半球，捧瑞士有數圍。

    另一場羅馬尼亞對阿爾巴尼亞，羅馬尼亞唯一希望博個小組第三，且盡量爭取更多入球，必定向對手施壓。從之前兩場比賽，羅馬尼亞整體實力的確比阿爾巴尼亞強，攻擊手史坦古連續兩場有波入，埋門把握力唔差，中場賓特利、史坦斯奥及捷斯奥同效力羅甲勁旅布加勒斯特星隊，組織默契相當熟路，只要發揮應有水準，羅馬尼亞取勝機會相當高。

    連輸兩場嘅阿爾巴尼亞已肯定出局，今場只係踢爭氣波。雖然上場對法國表現唔錯，可惜進攻點實在太疲弱，計埋對瑞士一仗，兩場波加埋都只得兩次中目標攻門，既無贏波本錢兼防守力有限，今場輸多贏少。初盤羅馬尼亞讓半球，捧羅馬尼亞穩勝。

    推介：法國0:0瑞士

    羅馬尼亞2:0阿爾巴尼亞