葡軍逢“匈”化吉

    成也C朗，敗也C朗。葡萄牙上場狂攻奥地利，廿三次攻門六中目標，C朗十二碼宴客兼食詐糊，師弟蘭尼又中柱，葡萄牙認真黑氣冲天。葡萄牙目前在分組賽只得兩分，能否殺入十六強，明晨對匈牙利一戰可以話生死存亡，非勝不可形勢下，葡萄牙定必勢兇夾狼，全力向對手開火。

    手揸四分嘅匈牙利預料今戰會一分政策，集重兵以防守為主。之前有睇隔籬埠直播匈牙利作客對德國的熱身賽，雖然兩球落敗，但匈牙利防守意識唔差，聯防做得相當緊密，葡軍要擊倒匈牙利，睇怕都要費盡九牛二虎之力。初盤葡萄牙讓一球／球半，但求力保不失嘅匈牙利值得捧場，至多輸波贏盤。

    無論對住冰島或奧地利，實力上葡萄牙無疑優於對手，所以都係採取主攻。奈何進攻線上侵略性不足，尤其兩邊側擊傳中準繩度有限，實際上依然倚靠C朗個人能力，兩場比賽只得蘭尼一個入球，要贏波，葡軍必須在進攻上加強力度。

    匈牙利兩戰一勝一和攻入三球只失一球，唔單只狀態好，士氣亦相當重要，穩守突擊隨時殺葡萄牙措手不及。

    推介：葡萄牙2:1