克羅地亞“葡”得起

    歐國盃十六強今晚開火，明晨壓軸大戰有克羅地亞火併葡萄牙。克羅地亞在分組賽最後一戰反勝西班牙，除顯示真正實力外，亦證明球隊對抗韌力相當頑強，且整體狀態十足，今場絕對有力挑戰葡萄牙。

    葡萄牙對匈牙利一役三度落後三度追和，能晉級十六強可以話死過翻生，但球隊確實有唔少問題存在。進攻雖有改善，惜防線暴露唔少漏洞。分組賽三場對手實際唔算太強，但“葡兵”都踢得咁辛苦，對住具一定班數嘅克羅地亞，“葡兵”料會陷於苦戰。初盤平手，捧克羅地亞夠“牙”力。

    克羅地亞今屆極具黑馬相，中場線配搭完整，摩特歷、比列錫、拿傑迪及巴迪積都屬於世界級，既可攻亦可守，前鋒文迪蘇傑與卡連歷埋門質素唔差。中前場與葡萄牙相比，克羅地亞明顯較為優勝。

    葡萄牙三戰表現又唔係踢得太差，球員質素亦有一定份量，不過整體似乎格格不入，進攻模式過於單調，依然過份依賴C朗。至於防守，計時炸彈柏比拍住卅八歲“老人家”卡華奴，中路簡直係危險地帶，今仗克羅地亞勝算甚高。

    推介：克羅地亞2:1