意大利征“西”

    歐國盃十六強重頭大戰，意大利火併西班牙。上屆決賽，西班牙以狂風掃落葉姿態四球大勝，掃到意大利體無完膚，鋼門保方更加顏面無存，今晚再度狹路相逢，意軍誓要先堅守城牆，再與“紅牛”一決高下。

    目標爭歐國盃三連霸嘅西班牙又一次驕兵必敗，最後一場輸畀克羅地亞確有“玩嘢”跡象，尤其十二碼，幾個具級數球員都唔射，結果拉莫斯宴客，最後諗都諗唔到輸埋畀對手。其實決賽周前最後一場熱身賽輸畀“魚腩”球隊格魯吉亞經已係一個教訓。信不信由你，呢啲叫做唔衰攞嚟衰，紅牛隨時十六強“拜拜”。

    意大利最後一戰對愛爾蘭，不但收起大部分主力，更全場以防守為主，任由愛爾蘭採取主攻，好明顯係部署針對西班牙一種踢法。既然有備而戰，意軍今戰完全未驚過紅牛來襲。

    眾所周知西班牙控球能力特強，但前線未能發揮到威力，就變成好睇唔好食。特別係意大利防守體系，危險範圍內緊密防守絕對係強項，外圍控球權意軍要唔要都罷。所以初盤西班牙讓半球，意大利絕對有能力保住不失。

    推介：意大利1:0