巴西唔贏跳“海”

    巴西在美洲盃分組賽首戰不但“厄”唔到餐食，且唔輸都仲要還神。森巴兵團整體表現其實唔差，全場亦佔得大部分優勢，可惜進攻欠缺侵略性，只得兩次中目標射門，最終與厄瓜多爾握手言和，各得一分都算合理。明早巴西第二場出擊，對住同組最弱嘅海地，巴西再未能全取三分的話，就真係要賴“地”硬。

    海地目前排名七十四位，係今屆美洲盃各隊中最低，實力有數得計。不過上場對秘魯又踢得幾有紋路，小負一球算對得住海地居民。但今場對住森巴兵團，海地應該知道難逃劫數，唯有盡力將傷亡數字減到最低，又係嗰句輸少當贏。初盤巴西硬讓兩球，意味着巴西將會來一場大“海”無量。

    尼馬被安排轉戰奧運，巴西在美洲盃進攻火力無疑削弱了。效力賓菲加嘅莊拿斯年齡已三十有二，爆發力有限；有“新尼馬”之稱嘅加比高後備上陣踢唔夠三十分鐘，有幾多料仲未知，相信今場對海地係時候大顯身手機會；另一攻擊手侯克對厄瓜多爾坐足全場，今仗亦有望“曬冷”。預料鄧加擺出雙箭頭陣式，定必將海地置諸死地。

    推介：巴西4:0