英格蘭未夠“牙”力

    明晨有場重量級熱身賽，兩支歐洲頂級勁旅英格蘭與葡萄牙強者對話。

    兩隊實力屬於半斤八両，但歐國盃決賽周即將展開，兩隊埋身拼搏程度料會有所保留，和氣收場最正路。初盤英格蘭讓半球，未免過於高估英軍實力，又稍為睇低葡兵作戰能力，受讓嘅葡萄牙值得捧場。

    英格蘭之前對土耳其與澳洲兩場熱身賽中，幾乎所有入選球員都有上陣，包括三名門將。效果如何則見仁見智，領隊鶴臣暫時主要睇班球員嘅比賽狀態去到邊，至於陣式明顯未考究到。

    其實在進攻方面，英軍可算合格，兩場波攻入四球，華迪、卡尼、朗尼及新丁拉舒福特都有“士哥”，攻擊線應該不成問題。不過，防線似乎係最大隱憂，特別在中路防守，兩場波都有失球。史摩寧、史東斯及卡希爾被譽為今季英超防守最佳，但講真一句，三位守將今季各自在球會表現有幾突出都有眼睇，只是被傳媒“吹”大咗。

    葡萄牙鋒線由C朗領軍，步大力雄嘅艾達，仲有拜仁新簽入十八歲超新星辛捷士，火力絕不簡單。今仗不妨睇吓英軍防線有幾堅。

    推介：和波1:1