愛爾蘭冇“白”食

    歐冠盃决賽周分子之一愛爾蘭上場踢完荷蘭後，明晨再揾來實力較弱嘅白俄羅斯拍跳，希望以一場勝仗出征，在决賽周一壯聲威。白俄羅斯在歐洲屬三四線球隊，每逢大賽都只係陪跑分子，實力上與愛爾蘭確有些少距離，上場友賽北愛淨吞三蛋，今次行過隔籬對住平均戰力更強横嘅愛爾蘭，白俄羅斯都係冇運行。初盤愛爾蘭讓一球，捧愛爾蘭贏波贏盤。

    雖然今場仍屬演練性質，但英倫三島球隊任何比賽一向都作戰認真，上場與荷蘭交手，整體表現的確唔差，控球率雖不及荷蘭，但直接埋門相當具威脅，八射五中比對手只得一中目標更具侵略性，若非荷蘭門將表現出色，愛爾蘭應可取勝。球隊依然由卅六歲老將羅比堅尼領軍，相信今戰會正選上陣，拍住入球能力唔差嘅朗治，對住防守力不足嘅白俄羅斯防線，愛軍應有斬獲，只係贏多少球問題。

    白俄羅斯最有名氣係曾效力巴塞羅那及阿仙奴嘅希比，但已年屆卅五歲，而基斯耶克亦係陣中主力王牌，惜其他位置欠缺平均，與愛爾蘭相比確實差一線。

    推介：愛爾蘭2:0