法國讓多靠“喀”

    今屆歐國盃決賽周東道主法國開始“亮劍”練兵，明晨搵來非洲球隊喀麥隆演練。真係莫名其妙，明明係歐洲盃，唔明主帥迪甘斯點解會搵支踢法“唔相干”嘅非洲球隊拍跳。一來非洲球員踢法硬朗，二來體能十足兼衝得又撞得，“高盧雄雞”今戰可能自己搵苦嚟辛。

    喀麥隆過幾日有場非洲國家盃要踢，不過對手只係足球水平未入流嘅小國球隊，叫做毛里塔尼亞。聽個名叻極有限，“非洲雄獅”收硬“毛里”，所以球員對法國為博上位，又博畀大球會睇起，今場必會力拼。初盤法國硬讓球半，話晒喀麥隆都係非洲強隊之一，法國要贏兩球才能贏盤唔係講咁易，推介下盤喀麥隆有辦“法”。

    法國今屆陣容可謂一波三折，賓森馬、賓艾化及列比利被棄用，防線兩大守將馬菲奥與華拿尼又因傷退隊，基斯文又剛踢完歐冠盃，今仗上陣機會唔大，無論防守與進攻，都有一定影響。加上屬熱身賽性質，避免球員再有傷患，法國一定唔會去得咁盡。論名氣，喀麥隆固然不及法國，但陣中亦有唔少球員在歐洲搵食，點都可以頂得兩咀。

    推介：法國2:1