德軍練兵要唔“洛”   

今日同大家推介場隔籬埠有直播嘅熱身賽，德國對斯洛伐克。

    兩隊都係今屆歐國盃決賽周球隊之一。但如果講到世界排名、球星指數、個人技術質素、整體踢法或任何一方面，德軍都遠勝對手多多聲，更何況在自己地頭出戰，贏唔到的話，世界冠軍就真係浪得虛名。只不過，德軍踢無關痛癢賽事經常都係玩玩吓，最精神只係上次四比一大勝意大利，可惜之前五場比賽輸盤都輸到頭痕，志在熱身兼試陣，德國讓多實在信唔過。

    斯洛伐克雖然能夠入到決賽周，但與歐洲列強相比始終未夠級數，要成為爭標分子？相信連主帥、球員或球迷都未諗過，只希望踢好每一場比賽，四個字“盡力而為”。今晚作客德國只望全力以赴，做到最好。初盤德國讓球半／兩球，考慮到德軍踢熱身賽可信程度有限，不妨小敲斯洛伐克輸波贏盤。

    德國踢大賽確係經驗十足，但睇返以往大賽前熱身賽，都係老謀深算，以免被競爭對手見底。斯洛伐克但求輸少當贏，預料今戰必會以防守為主。最緊要球隊保持一定士氣，在決賽周能夠踢出最佳水平。

    推介：德國2:1