英格蘭“袋”袋平安

    歐洲國家盃即將展開，各路雄師開始積極備戰，明晨有場英格蘭約戰澳洲。兩隊曾於一三年踢過友賽，當時英格蘭爆冷輸一比三，今戰係復仇大好機會。

    英軍近期狀態大勇，近四場友賽贏三場，包括世界冠軍德國、今屆歐國盃東道主法國及決賽周球隊之一嘅土耳其。今場對住實力明顯稍遜嘅“袋鼠兵”，“三獅”應可勝券在握。

    澳洲在亞洲球隊中可以企硬前列位置，但要與歐洲列強相比，級數始終未夠。況且今次大軍名單中，至少有六、七名主力缺陣，包括卡希爾、貝利、米利根及基亞路等，整體戰力削弱，今場作客英格蘭輸少當贏。初盤英格蘭硬讓球半，捧英軍贏波贏盤。

    “三獅”前線兩大攻擊手狀態簡直火熱中，卡尼與華迪上仗對土耳其各建一功，確實“弗”到冇朋友。仲有後上王阿里、快馬史達寧，加上隊長朗尼歸隊，個個為爭位一定去到盡，入球絕對有保證，至少數兩三球問題不大。

    澳洲主帥迪高路賽前講明今戰志在考察多名球員，並選入四名新丁，以今仗人腳實在難與英軍抗衡。

    推介：英格蘭3:0