紅牛未“尼”料

    明晨繼續有國際友誼賽，作客意大利後，西班牙再轉戰羅馬尼亞，志在練兵嘅“紅牛黨”相信仍會以輪換球員上陣，銳利度稍為有所保留，最緊要一班球星可以平平安安返到自己球會報到。

    對住歐洲頂級強隊，主場嘅羅馬尼亞比賽積極性會較強，戰意及鬥心亦十足，雖整體平均級數有限，但只要力拼到底，冇話輸硬畀“紅牛黨”。初盤西班牙讓半球／一球，有天時地利人和嘅羅馬尼亞值得一博。羅馬尼亞陣中有名氣球員唔多，目前在意甲效力拿坡里嘅基利捷斯算係較具級數，仲有費倫天拿門將達泰魯山奴，及曾在西甲及意甲搵食嘅好波之人托治，其他球員都係在國內或歐洲二、三線聯賽効力，質素當然難以與“紅牛黨”粒粒皆星相提並論。不過，只屬友賽性質，競爭程度有限，和氣收場最啱數。

    西班牙陣中依然由費比加斯、大衛施華、拉莫斯及比基等星級球員領軍，但上場對意大利，場上比拼與戰意確係有限公司，球隊明顯處於下風。爭勝決心不足情況下，對住羅馬尼亞勝算不大。

    推介：和波1:1