德國出“獅”有利

    國際友誼賽明晨有好波睇：德國對英格蘭，隔籬埠“公仔箱”有直播，相信大家一定唔會錯過。

    兩支歐洲一線勁旅近兩、三年都甚少交手，最近一次係一三年十一月友賽，德國作客一球小勝英軍。德國在一四年揚威球壇，勇奪世界盃冠軍，講到足球水平，無疑在今仗對手英格蘭之上，所以今場友賽主場迎戰英軍，德國應可睇高一線。

    英軍逐漸開始換血，今期名單中，由於祖夏特與朗尼因傷並未入選，卡希爾、米拿及禾確特等已算係“大哥”級。但整體大戰經驗稍為不足，作客挑戰最頂班嘅德國，“三獅”仍未有足夠能力。初盤德國讓半球／一球，捧日耳曼軍團“格”殺勿論。

    德軍一向紀律嚴明，攻擊手之一嘅古斯因行為不檢被革出國家隊。雖然對球隊前線影響不大，不過都要引以為戒，其他球員必盡心盡力要為國捐軀。反而舒雲斯迪加因傷離隊，中場線缺少領軍人物事關重要，但球隊依然人才鼎盛，對住一向踢作客走樣、兼遇強變弱嘅英格蘭，德國仍夠殺有餘。

    推介：德國2:0