智利連“根”拔

    世界盃南美區外圍賽明早上演大戰，智利與阿根廷再度合演去年美洲盃決賽翻版。兩隊目前在外圍賽戰績一般，四戰過後只排第五及第六位，為要爭上前列位置，誓必全力搶分，預料屬一場激戰。

    美洲盃決賽兩隊鬥足一百二十分鐘依然難分高下，智利最終憑十二碼封王。事實上，智利當時主場確實佔到唔少優勢，阿根廷明顯處於被動。始終南美波踢主場球隊同樣惡到出汁，相信今場智利仍可佔得上風。況且貴為應屆美洲盃冠軍，智利今時今日的實力絕對不能睇小。初盤開出仲係平手，主場唔使讓，幾大就幾大，燒賣就燒賣！智利都要買。

    除山齊士與維達爾兩名皇牌球星外，智利陣中臥虎藏龍，伊斯拿、米度爾、迪維亞及華加斯等都係踢得之人，前中後三線實力相當平均，之前巴西作客亦慘吞兩蛋。只要智利踢出主場氣勢，根本唔將阿根廷放在眼內。

    由美斯領軍嘅阿根廷當然又係粒粒皆星，不過在歐洲聯賽戰雲密佈，連番激戰後又要山長水遠踢呢場硬仗，阿根廷不捧為妙。

    推介：智利2:1