史浩克博大“慕”

    德甲明晨有場強者對話，由史浩克○四火併慕遜加柏。史浩克目前少慕遜加柏一分排第五位，又少第三位嘅哈化柏林四分，即係話兩隊仍大機會追上前三甲，為爭下季歐冠資格，今戰雙方都不容有失。

    計今季對賽戰績，慕遜加柏佔盡上風，先在聯賽首循環大勝三比一，跟住德國盃作客又兩球淨勝史浩克，似乎食住對手。不過，史浩克近期走勢有反彈跡象，只係上場作客不敵哈化柏林，但從場上形勢所見，史浩克發揮更為出色，只可惜贏勢輸波，否則已坐上前三位置。之前擊敗漢堡與科隆，亨迪拉亞與美亞都有“士哥”，狀態神勇，加上後備殺手迪辛圖，史浩克的前線火力十足，今戰誓與慕遜加柏展開對攻。預料今場入球唔會少，先推介入球開大。

    慕遜加柏同樣攻擊力驚人，聯賽入球數僅次於拜仁與多蒙特；不過，失球數亦係前列球隊中最多，屬於一支有前冇後嘅進攻型球隊，兩隊實力勢均力敵。初盤史浩克讓平手／半球，當然捧有主場之利嘅史浩克着數。

    推介：史浩克○四 3:2