紅魔鬼平半“浦”得起

    睇完歐冠盃後，明晨又到歐霸盃，英超雙“紅”曼聯與利物浦展開十六強次回合決戰，首回合落後○比二嘅曼聯誓要在“福”地反擊，全攻型策略定必擺大個頭。

    紅軍首回合贏得相當精彩，以技術性擊倒紅魔鬼，一報連續五場不敵對手之仇。當然，在自己地頭出戰踢出加一波正常，但今仗去到奧脫福，預料必處於被動，能否保住兩個保險球，球員發揮穩定性成為關鍵。初盤曼聯讓平手／半球，紅魔鬼近八次在“福”地迎戰紅軍八戰八勝，心態上完全佔優，且今戰非勝兩球不可，捧硬曼聯殺無赦。

    經過一輪傷兵困擾後，曼聯多名大將終於可以復出，舒雲斯迪加、費蘭尼及楊格等都可以披甲上陣，令攻擊力加強不少，祇要在中前場加大壓迫力，有望可平反敗局。

    紅軍近期越戰越勇，近三仗取得連勝，且攻入七球只失一球，克洛普令球隊攻防兩端都有極佳效率。既然揸住兩球在手，今仗踢法應會較保守，但能否頂得住曼聯狂攻就好難講，正所謂久守必失。

    推介：曼聯2:0