拜仁兩球難“達”標

    拜仁與祖雲達斯在歐冠盃十六強首回合合演一場精彩之戰，雙方激戰九十分鐘踢成二比二平手。到底邊隊能殺入八強，明晨的次回合再度廝殺就有分曉。

    拜仁上仗領先兩球下被祖記連追兩球，話雖仍有兩個作客入球再手，但似乎有放虎歸山嘅感覺，更激勵祖記的反勝決心。拜仁要晉級八強，絕對不能鬆懈，今仗肯定屬艱苦戰役。初盤拜仁慕尼黑讓一球／球半，祖記一向以防守穩健見稱，尤其踢作客，更加穩打穩扎，今場勝負料在一球之間上落，不妨捧祖雲達斯至少可執半個盤。

    拜仁教練哥帥絕對唔會睇低祖記嘅實力，特別在首回合對戰，場上形勢根本勢均力敵，中目標攻門係七對五，祖記還多兩次。拜仁今仗最佔優之處，只係有主場之利，相信哥帥部署亦未必急於求勝，只要保住不失球，球隊一樣可以過關，又使乜要博贏兩三球呢？

    祖記陣中有保羅普巴、基迪拿、文迪蘇傑及阿根廷超新星戴巴拉等極具級數球員，牌面上確實絕不輸蝕畀拜仁。

    推介：和波1:1