雙紅會博和波

    明晨有場“歐霸版”雙紅會，利物浦與曼聯在十六強相遇。紅軍雖然先有主場之利，但近五次對住紅魔都冇運行，五戰盡墨，包括今季聯賽被紅魔鬼雙殺。希望踢歐霸盃可以轉下運，贏唔到都唔再做手下敗將。

    其實紅魔鬼今季兩度擊倒紅軍，根本佔唔到任何優勢。尤其次循環踢作客，全場只得一次中目標攻門，就可以PK紅軍，簡直係劣勢中贏波。呢啲就叫做“食硬”對手囉。今場初盤開出利物浦要讓半球，唔到你唔信，紅軍冇得贏就冇得贏，一於捧曼聯又治一“物”。

    英超爭冠無望，足總盃又被韋斯咸淘汰。最陰功係聯賽盃，只差半步又畀曼城“射碼”搞掂。紅軍已別無他選，歐霸盃係最後一滴血。不過，歐霸盃實在高手如雲，過咗曼聯呢關先講。

    紅魔鬼近期狀態可以信得過，上仗對西布朗唔係馬達衰衝動攞紅牌，球隊分分中取得五連勝。事實上，曼聯對住幾支死敵都踢得特別醒神，加上史摩寧、馬迪爾及費蘭尼已傷癒，今仗應可披甲上陣。首回合紅魔鬼要守住和局唔難。

    推介：和波1:1