車路士打“聖”戰

    歐冠盃明晨繼續有好戲碼，首回合落後一比二嘅車路士誓要在史丹福橋打翻身戰，迎戰巴黎聖日門非勝不可。

    自從軒迪克執教車仔後，球隊漸上軌道，英超已連續十三場不敗，夏薩特、費比加斯、迪亞高哥斯達及韋利安等主力狀態亦回升，只要今仗踢出決心，絕對有望平反敗局。

    聖日門在法甲無逢敵手，聯賽冠軍經已手到拿來，目標當然直指歐冠，不過能否殺入八強，就要問過車仔呢關。以兩隊實力比較唔會相差太遠，初盤巴黎聖日門要讓平手／半球，佔有主場之利嘅車路士值得一博。

    從首回合所見，兩隊殺得相當激烈，車仔踢作客擺明以守為攻，聖日門攻勢明顯佔優，控球率佔七成以上。不過，車仔多次突擊都極具威脅性，由於落後一球，今仗肯定採取主攻策略，但求盡早收復失地。聖日門方面，伊巴謙莫域上場聯賽缺陣，進攻銳利性明顯受到影響，今場能否上陣成問題，迪馬利亞初傷癒，整體人腳不及車仔完整，車仔博一球並非全無機會。

    推介：車路士1:0