皇馬再斬羅馬

    皇馬在西甲已經被死敵巴塞甩開，要爭聯賽冠軍的機會渺茫，歐冠盃已肯定是銀河艦隊的重點狙擊，十六強首回合作客羅馬兩球輕取對手，明晨返到自己地頭，真係想輸都難，睇吓一班銀河戰將會否食住上場血洗切爾達嘅強勢，將羅馬殺個血流成河。

    羅馬要翻盤殺入八強，基本上都打定輸數，除非買板唔知碇，盡地一煲與皇馬對攻，到時肯定死得更慘烈。初盤皇家馬德里讓球半，繼續追銀河艦隊勝完再勝，炒完再炒。

    皇馬大屠殺切爾達“七個一皮”，其實都已經讓半臂，摩特歷、卻奧斯及洛迪古斯休戰，復出嘅馬些路與巴利只係後備上陣，依然將對手斬到一頸血，亦證明施丹對歐冠盃相當重視，揸住兩個保險球都仲要玩留力！“丹爺”定啲嚟，八強一定預埋你。

    羅馬今場要入三球先有翻身機會，難度相當大，首回合主場輸波又輸勢，實力上明顯與皇馬有分野。當然，落到場都要盡最後努力，輸都要輸得好好睇睇，問題係皇馬今仗有冇面畀。

    推介：皇家馬德里3:1