西布朗受讓分“紅”

    曼聯近四場各項賽事取得連勝，球隊士氣及狀態似乎開始回復水準，除足總盃與歐霸盃外，聯賽爭上前四亦係雲戈爾重點目標，今輪聯賽作客西布朗，紅魔鬼將會全力爭勝。

    不過，主場嘅西布朗並非易啃。對住強隊或前列分子偶有佳作，上場逼和榜首李斯特城後，已經有三十六分，基本上無後顧之憂，可以放盡去踢每一場比賽，目標就係力爭上游，今仗隨時可以令紅魔鬼失分。初盤曼聯讓半球，不妨考慮西布朗。

    西布朗陣中有唔少實力派球員，特别係攻擊手朗頓具一定入球能力，仲有耶高普、比拉希奴、薛斯隆、辛特路及安尼捷比等都係身經百戰，球隊穩守突擊踢法極具效率性，加上硬朗打法，西布朗絕對唔易應付。

    曼聯依然受到傷兵影響，雲戈爾近幾戰只能派出多名年輕球員上陣，不過，就踢起一個“小魔王”拉舒福特，但人腳依然欠缺完整。其實曼聯上場險勝屈福特，鋭利度有限，組織進攻，整體配合根本仍未達到最佳水平，主場對住屈福特都咁難打，今場作客實在難言穩勝。

    推介：和波2:2