兵工廠受讓“熱”捧

    英超今晚早場上演倫敦打吡戰，熱刺火併阿仙奴。

    由於兩隊在上仗聯賽齊齊輸波，又再錯失追上榜首李斯特城的大好機會，今戰兩隊碰頭，可以話唔係你死就係我亡。尤其阿仙奴，再失三分的話，奪標機會將大打折扣，今仗誓必全力搏殺。

    當然，熱刺亦會力爭到底，望能保住爭標希望，一場倫敦激戰在所難免。雙方實力屬於半斤八両，兩隊亦毫無勝算，初盤熱刺讓平手／半球，捧硬受讓嘅阿仙奴至少可執半個盤。

    熱刺在聯賽六連勝的強勢在上場終於被韋斯咸打窒，士氣唔多唔少受到影響。幸好球隊在主場發揮穩定，十四場聯賽只輸過兩場，是今仗爭勝本錢之一。不過，對賽往績始終被阿仙奴食住，今季曾兩次交手，熱刺只得一和一負，其中聯賽盃就在主場不敵兵工廠，所以今仗亦未必能夠佔到優勢。

    輸完畀曼聯又輸畀史雲斯，阿仙奴確實受到爭標壓力影響。事到如今，只能放盡去踢。今場得失相當關鍵，來回六分波，雙方都不容有失，好大機會和波，兩敗俱傷。

    推介：和波2:2