羅馬主場要收“費”

    意甲明晨有場前四位大戰，“

    三哥”羅馬在主場迎戰“阿四”費倫天拿。兩隊目前與榜首祖雲達斯有八分之差，依然有一定爭標機會，但邊隊輸波的話，要爭冠應該唔使諗。其實奪標事小，爭前三位更為重要，因為踢歐冠“錢”途事大，今戰肯定各不相讓，激戰亦難免。

    羅馬近期除在歐冠盃不敵皇馬外，其餘六場聯賽取得連勝，在意甲始終都係列強之一。陣中擁有迪斯高、艾拉沙維、沙拿及比真歷等都屬於星级戰將，老將“王子”托迪更加係天王級，整體平均戰力絕對在今場對手費倫天拿之上。加上首循環作客以二比一取勝，今仗返到自己主場，贏波更有信心。

    費倫天拿上仗被拿坡里逼和，又係防線再度犯錯，解圍拖泥帶水。之前一場歐霸盃對熱刺，防守上已出現唔少漏洞，對住目前意甲攻力最強之一嘅羅馬，費倫天拿實在難保不失。

    更值得一提是費倫天拿踢主場與作客，表現有較大偏差。羅馬今季主場九勝三和一負，戰績值得信賴。初盤羅馬讓半球，費倫天拿想和都難。

    推介：羅馬3:1