紅軍眾志成“城”

    利物浦與曼城啱啱在溫布萊踢完場聯賽盃決賽，激戰一百二十分鐘後，紅軍最終在十二碼飲恨，教頭克洛普始終難擺脱二奶命。明晨兩隊在聯賽又再碰頭，紅軍雖然爭英超冠軍無望，但絕對唔會放棄追上前四的機會，況且復仇心切，今戰誓必全力撲擊“藍月亮”。

    連續兩場聯賽不敵李斯特城與熱刺，曼城爭標形勢開始變得被動，餘下賽事已再冇失分空間，尤其今場對住紅軍，再輸的話機會更加渺茫，球員壓力唔小，足以影響整體發揮。初盤平手，主場唔使讓波嘅利物浦，有望繼首循環後再次射殺“藍月亮”。

    聯賽盃決賽雙方合演一場精彩之戰，場上形勢可以話勢均力敵，曼城射門次數較多，但紅軍控球率佔優，踢完加時都係和波絕對合理。激戰一百二十分鐘，對曼城嚟講相當不利，始終陣中多名主力年紀較大，只要紅軍繼續以壓迫性踢法，以快打慢，相信曼城會陷於苦戰。紅軍首循環作客大勝曼城四比一，贏得相當精彩，今戰更有主場之利，利物浦爭勝決心足以戰勝對手。

    推介：利物浦2:1