“李城”一路向“西”

    英超排頭位嘅李斯特城明晨繼續神奇之旅，對住中下游分子西布朗，目標當然係全取三分，繼續在英超領導群雄。西布朗要爭上位似乎未夠料，但目前亦有足夠分數，暫無後顧之憂，可以踢風流波，既然比上不足比下有餘，亦無謂阻人去路，就算要做攔路虎，亦未必係士氣十足嘅“李城”對手，首循環主場已經係手下敗將，今場踢作客，西布朗應再一次俯首稱臣。初盤李斯特城讓一球，一於捧李斯特城一波未平一波又起。

    李斯特城唔單只做緊“一哥”，聯賽入球數字亦最多，最重要係贏盤率超過七成，屬英超各隊之冠。當然，落場比賽最緊要有實力，講實際，“李城”由開季至今一直與多支豪門爭持刺激，應該都可以證明一切。

    由於西布朗嘅競爭力唔大，導致近期表現比較反覆，近四場作客一勝一和兩負，分別輸畀尾三嘅紐卡素及足總盃不敵英冠的雷丁，反映戰意與爭勝心實在有限，對住眾志成城、雄心萬丈嘅李斯特城，西布朗難逃一敗。

    推介：李斯特城2:0