費倫天拿踢好“坡”

    今日重點賽事只得一場意甲，由第三位嘅費倫天拿主場迎戰“老二”拿坡里，“紫百合”要保住爭標機會，今仗許勝不許敗，輸波的話，第三位置亦不保，誓必與對手決一生死。

    拿坡里目前力迫祖雲達斯，一分亦不容有失，不過，作客弗朗奇球場，呢場硬仗絕對唔易踢。兩隊剛剛都在歐霸盃出局，可以全力在聯賽搏殺，今仗肯定一場激戰。初盤拿坡里讓平手／半球，費倫天拿主場有一定威力，“紫百合”料可坐和望贏。

    費倫天拿今季主場戰績係十勝一和兩負，主場出戰氣勢十足，係意甲中排名第二。陣中不乏好波之人，尤其中場兩大主力貝拿迪斯治與巴迪積，已經成為歐洲各大豪門收購目標，仲有伊歷錫及卡連歷等，中前場組合絕不低於對手拿坡里。今戰鬥攻鬥搶，有力殺退對手。

    拿坡里近況有所回落，近四戰只係兩和兩負，整體狀態稍為不足。聯賽不敵祖雲達斯，歐霸盃又出局，雙重打擊下士氣大受影響。首循環主場險勝費倫天拿，贏得相當驚險，今場作客實在捧唔過。

    推介：費倫天拿2:1