拉馬搏命泊大“巴”

    記憶中，今季西甲射波最多嘅球隊之一，應該係拉斯彭馬斯，呢支升班馬畀我留低唔少特別印象。一支小島球會雖然目前身陷險境，處於降班區，但球隊表現確令球迷驚喜。

    球員名氣不大，但平均質素唔差，整體配合與組織性相當強，最重要就係充滿戰意及鬥心。上場對住巴塞，拉斯彭馬斯確令“地上最強”佔不到太大優勢。一句講晒，呢班波要降班的話，實在可惜。

    明晨拉斯彭馬斯又要為護級而掙扎，將要作客中游分子伊巴。既然讚得呢班波，阿Ben一定撐到底，何況初盤仲要受讓半球／一球，拉斯彭馬斯博和攞一分唔難。

    伊巴目前排第七位，不但無後顧之憂，更有機會爭位踢歐戰，相信今仗亦唔會放軟手腳，料必全力爭取勝仗。伊巴嘅攻擊力都值得一讚，廿五場聯賽攻入四十球，係除皇馬與巴塞外，西甲入球第三多球隊。首席射手巴斯頓以十六球列射手榜第五位，絕對係拉斯彭馬斯頭號危險人物。不過，上月進行嘅西班牙盃，拉斯彭馬斯曾雙殺伊巴，證明今戰拉斯彭馬斯冇話輸硬。

    推介：和波1:1