紅魔鬼贏盤“蘭”

    曼聯在歐霸盃卅二強首回合落後對手米迪蘭特一比二，明晨返到自己地頭踢次回合，只要一球淨勝對手，即可以殺入十六強，相信一眾魔星必會全力爭勝。

    米迪蘭特要保住勝果，料必採取穩守踢法，一場攻防戰在所難免。初盤曼聯讓一球／球半，以紅魔近期發揮與表現，要贏對手兩球或以上，似乎信心不足，最主要目前前線人員不足，要攻破米迪蘭特嘅密集防守確要考功夫，曼聯好大機會贏波輸盤。

    冇錯，曼聯上場足總盃大開殺戒，以三球大勝梳士貝利。不過呢支甲組下游球隊，紅魔鬼企喺度踢都贏啦。曼聯目前傷兵滿營，包括近期回勇嘅朗尼亦成為“十字軍”，前線火力銳減；幸好只要淨勝一球即可以過關，曼聯非要把握機會不可。

    米迪蘭特陣中有唔少國腳級球員，包括踢過阿仙奴嘅奧臣、效力過德甲法蘭克福嘅卡特歷及奧地利好波之人佩錫斯等，且大部分球員都係“九○後”，年輕力壯活力十足，與曼聯鬥搶亦絕不輸蝕，相信勝負之間都係一球上落。

    推介：曼聯1:0