曼聯“士”氣不足

    曼聯繼上周聯賽輸畀新特蘭後，在歐霸盃又再輸波。球隊似乎問題多多，已經唔係整體實力上原因，關乎球會士氣，雲戈爾嘅領導能力同樣受到質疑。如何令球隊起死回生，“雲帥”非要扭盡六壬不可。

    明晨紅魔又再出征，作客英甲球隊梳士貝利，以球隊目前狀況，能否殺入足總盃八強都成疑問。以梳士貝利嘅人腳實力，實在難以與曼聯相提並論，但面對紅魔鬼，梳士貝利根本毫無壓力，可以放盡嚟踢，話唔定有極佳表現，只要在自己地頭踢出拼勁，一場過決戰未必冇得打。初盤曼聯讓一球／球半，要贏兩球先有利，不妨博梳士貝利贏盤。

    梳士貝利在英甲亦只係排下游位置，確實低曼聯幾班波，但落到場比賽最緊要有戰意及鬥心，呢方面一定比紅魔鬼強。

    曼聯在近兩場比賽明顯欠缺爭勝決心，上場歐霸盃對米迪蘭特更明顯，部分球員毫無動力，拼搶積極性完全不足，難怪被自己球迷噓到七彩。今場足總盃，極可能係“雲帥”生死戰，連甲組仔呢關都過唔到，應該都可以引咎辭職。

    推介：曼聯1:0