藍戰士攻“城”有計

    今晚英格蘭足總盃有好戲碼，車路士與曼城合演“雙藍”大戰。

    車仔要衛冕英超已無機會，歐冠與足總盃就成為最大希望。臨時教頭軒迪克接手時曾講到明，將會全力爭取足總盃冠軍，預料今仗火併曼城精英盡出，誓要殺入八強。曼城在聯賽連番受挫，先後不敵李斯特城與熱刺，爭標形勢變得被動，球隊士氣受到重創。對住正重上軌道嘅藍戰士，藍月亮今仗實在“照”唔起。初盤車路士讓半球／一球，大圍明顯睇低曼城冇運行，一於捧車仔成功射“月”。

    車仔雖然在周中歐冠盃輸波，但球隊整體表現確實唔差，特別在戰意方面，全隊充滿鬥心，球員亦逐漸發揮出應有水準。今仗在自己地頭出戰，爭勝決心已夠贏。

    連場激戰確係曼城致命傷，皆因球隊大部分主力年紀漸大，上場對熱刺，正選中只有史特寧一個係九○後，要應付頻密大戰確實不易。曼城過兩日又要踢歐冠十六強作客基輔戴拿模，呢場重要戰役相當難打，柏歷連尼可能集中火力歐冠戰線，話唔定今場避重就輕，半力出擊。

    推介：車路士2:0