阿仙奴夠火“侯”

    連奪兩屆足總盃冠軍嘅阿仙奴，向三連霸進發，今晚坐鎮主場迎戰一四年決賽對手侯城。當年兵工廠在加時擊殺侯城，奪得九年來首個冠軍，今仗再戰已降落英冠嘅侯城，應該信心十足。

    侯城目前居英冠榜首，大有機會下季再戰英超。雖然陣中仍有唔少英超戰將，但實力與阿仙奴比較，始終稍遜一籌，且踢作客亦相當不利，要爆冷一報一四年之仇，睇怕難以如願。初盤阿仙奴讓半球／一球，必捧兵工廠九十分鐘內可屠“城”。

    阿仙奴目前戰線頻密，上場英超絕殺榜首李斯特城，依然保持爭標機會。下周中在歐冠又要大戰巴塞羅那，調兵遣將確考起雲格。不過，對雲格嚟講，各項錦標一樣重要，相信今仗絕不會有所鬆懈，衆“槍手”必會乘勝追擊，先殺入足總盃八強。

    侯城陣中擁有A靴南迪斯、迪亞美及迪奧文德幾名具質素援將外，仲有當臣、馬隆尼及侯度史東等沙場戰將，惜年事已高，對住阿仙奴快速踢法，肯定較為吃力。加上整體欠平均，侯城難有突破。

    推介：阿仙奴2:0