車仔回勇抗“日”

    休戰多時嘅歐冠盃又再重燃戰火，明晨上演十六強首回合賽事，法甲豪門巴黎聖日門先踢主場迎戰車路士。兩隊曾在歐冠交手六次，車仔稍佔上風，取得兩勝三和一負；不過，往績只係歷史，今時今日，聖日門依然雄霸法甲，車仔在英超已淪落為低下層，當然，車仔戰績大跌事必有因，球隊本身人腳並非蝦兵蟹將，只要能夠發揮出應有水準，絕對與聖日門有得砌。初盤巴黎聖日門讓半球／一球，不妨博車路士可以堵塞大“門”。

    聖日門可以在法甲打遍無敵手，皆因在本土聯賽對手實力問題，但比起西甲、英超及德甲嚟講，大巴黎始終輸蝕霸氣，法甲球隊在歐戰有幾威？相信大家心中有數。

    車仔因為之前“老摩”與球員關係，搞到成績大跌確實係主因，連陣中大部分主力本身狀態及士氣亦急跌，經過臨時教頭軒迪克調教後，球隊明顯稍有改善，上場聯賽五比一大炒紐卡素，球員自信心已大大提升，踢歐冠與聯賽始終係兩回事，車仔要認真作戰，聖日門未必能夠佔得優勢。

    推介：和波1:1