“黑貓”誓死除“魔”

    英超今晚早場上演搏命之戰，在榜尾垂死掙扎嘅新特蘭，在“光明頂”火併紅魔鬼曼聯，“黑貓”正處於生死邊緣，為要脫離降班危機，確要搶得一分得一分。

    曼聯要重奪聯賽錦標已相當渺茫，爭前四係首要目標，今仗對住排尾二嘅“黑貓”，若未能全取三分的話，想做“阿四”都難。兩隊都要為“錢”途而奮戰，料必殺得激烈。

    新特蘭在冬季轉會市場大量入貨，引入拜仁中場基治荷夫、法國守將干尼，仲有塞內加爾前鋒尼杜爾、突尼斯嘅卡斯利及美國鐵衛耶迪連三名國腳級球員，護級決心大過天，近兩戰對住曼城與利物浦雖然只得一和一負，但表現有目共睹。今仗返到自己地頭，必與紅魔鬼誓死一拼。

    曼聯近五場表現稍有好轉，只輸過一場畀修咸頓，上仗亦只被車仔逼和，發揮尚算令“魔粉”滿意。不過，紅魔鬼踢作客始終信心不足，聯賽作客勝率更不足一半，況且近兩次去到光明球場，只得一和一負，今戰實在難言穩勝。初盤曼聯讓半球／一球，捧新特蘭至少可搶得一分。

    推介：新特蘭1:1