美國“洪”心萬丈

    美洲國家盃與女足世界盃啱啱打完，但國際賽一浪接一浪，明早就有中北美洲與加勒比金盃賽開打，簡稱美洲金盃賽。上屆冠軍美國今屆以主辦國身份出戰，必然成為奪標頂頭大熱，首仗對住實力一般嘅洪都拉斯，美國勢要打響頭炮。

    洪都拉斯在世界排名七十五位，反映出球隊實力與去年世界盃十六強之一嘅美國相比，確實有一定差距。首戰就要對住東道主，洪都拉斯整定冇運行。初盤美國讓一球 / 球半，捧美軍可以展開大“斯”殺。

    美國有唔少球員是去年世界盃決賽周主力，包括丹普西、碧卡文、巴特利、基路特及比杜亞等，球員嘅組織默契絕對不成問題，而近期狀態更加火熱，近四戰全勝，分別擊敗荷蘭與德國兩支歐洲一級勁旅，上場亦大炒危地馬拉四球，今仗強勢出擊，只係贏多贏少問題。

    洪都拉斯陣中外流球員唔多，效力英超侯城嘅費古爾路亞，在葡超搵食嘅碧基尼斯已是球隊核心，要向美國挑戰，似乎未夠班，輸少兩球已經係功成身退。

    推介：美國3:0