切爾達東成“西”就

    明晨繼續有西班牙盃四強次回合，切爾達一星期內三戰西維爾。首回合落後四球嘅切爾達要翻盤殺入決賽，基本上難過登天，只望能夠在自己地頭一報恥辱之仇。雖則球隊近期狀態比較低沉，但主場始終有一定着數，希望可以踢場爭氣波，提升球隊士氣。

    揸住四球在手，西維爾今場應該較為輕鬆。球隊近況確實“弗”到爆，近十場取得八勝兩和。論氣勢，切爾達拍馬都追唔上。不過，西維爾踢作客冇十足保證。初盤西維爾讓平手／半球，捧切爾達至少可執半個盤。

    切爾達近期戰績真係又幫唔落，近六場輸足一半，只得一場勝仗。但贏馬體會都贏得幾精神，證明係有一定戰鬥力。只要今場唔好自暴自棄，誓要大報復，與西維爾一定有得踢。

    唔揀西維爾原因，一來，入決賽已相當穩陣，為避免球員受傷應付餘下聯賽及歐戰，必會有所保留，拼搏亦有限。二來，西維爾踢作客係西甲中入球最少，十一場聯賽只得六個入球兼未贏過一場，踢作客似乎係球隊死穴，補入球小都有數圍。 推介：切爾達1:0