車仔讓唔起“魔”

    尋晚睇完場英超榜首大戰，今晚又輪到一場褪色之戰，兩大落魄豪門車路士與曼聯對撼，難聽啲講句“睇下邊隊夠衰啲”。

    以目前環境，車仔唔叫衰到貼地，都可以叫做衰到黐埋牆，要衝返上前四機會微乎其微，爭踢下季歐霸盃都還有希望，不過“油王”都唔稀罕。臨危受命的軒迪克諗到頭都大埋，球隊硬係反彈極都彈唔起。曼聯同樣難兄難弟，成隊波畀魔粉插足大半季，幸知恥近乎勇，近期有啲起色，至少近兩場大勝對手，士氣亦有所回升，今晚“鍊車”可以加強鬥心。初盤車路士讓半球，必捧紅魔鬼“紅”運當頭賀新禧。

    上場有睇車路士作客對屈福特，車仔真係踢唔出任何強隊風範，不單止部分主力狀態不足，整體配合亦毫無組織性可言，踢法上確似一支下游球隊，可能在英超經已失去競爭性，進取心亦下降，今季真係惡唔出樣。

    曼聯要追上前四位，實在不能再有失誤，且近兩戰取得連勝，朗尼、馬迪爾狀態大熱，今戰最少可保不敗而回。

    推介：曼聯2:1